Meta-ն ստեղծում է Մարկ Ցուկերբերգի ԱԻ տարբերակը՝ աշխատակիցների հետ շփվելու համար․ FT
Ամերիկյան Meta միջազգային տեխնոլոգիական ընկերության ղեկավար Մարկ Ցուկերբերգի ԱԻ կլոնն է ստեղծվում ու շուտով կօգտագործվի աշխատակիցների հետ շփվելու համար, գրել է «Financial Times»-ը՝ հղում անելով աղբյուրներին։
Ընկերության գործադիր տնօրենը անձամբ է ներգրավված մշակման մեջ։
Մշակվում է եռաչափ կլոն, որի միջոցով օգտատերերը կարող են փոխազդել իրական ժամանակում ու ստանալ արձագանք։ Ցուկերբերգը անձամբ է մարզում և փորձարկում արհեստական ինտելեկտի կլոնը։
Համակարգը մարզվում է Meta-ի գործադիր տնօրենի վարքագծի, ձայնի տոնի և բիզնեսի համար ներկայիս ռազմավարական տեսլականի վերաբերյալ։
«Ցուկերբերգը ավելի ու ավելի է ներգրավվում՝ վերահսկելով Meta-ի առաջընթացն արհեստական ինտելեկտի ոլորտում։ Նա շաբաթական հինգից տասը ժամ է ծախսել ընկերության ներսում արհեստական ինտելեկտի տարբեր նախագծերի համար կոդ գրելով և մասնակցել է տեխնիկական ստուգումների», - նշում է հրատարակությունը։
