Բժիշկը զգուշացրել է սրտի ծանր հիվանդության ասիմպտոմատիկ դրսևորումների մասին
Սրտի իշեմիկ հիվանդությունը սրտի լուրջ հիվանդություն է, որը դեպքերի 80 տոկոսում հանգեցնում է հանկարծակի մահվան, կարող է լինել ասիմպտոմատիկ, զգուշացրել է պրոֆեսոր, սրտաբան Յուրի Լոպատինը «ՌԻԱ Նովոստի»-ին տված հարցազրույցում։
«Բարձր ռիսկի խմբերի մեջ են մտնում սրտի կաթվածի, սրտի անբավարարության և ծանր առիթմիաների պատմություն ունեցող հիվանդները», - բացատրել է մասնագետը։
Սրտի իշեմիկ հիվանդությունը կարող է առաջանալ հիպերտոնիայի, բարձր խոլեստերինի, ծխելու, սթրեսի և ցածր ֆիզիկական ակտիվության պատճառով:
Բժիշկը նաև նշել է, որ կարևոր է հաշվի առնել գենետիկան. երիտասարդ տարիքում ախտորոշված սրտանոթային հիվանդությունները, և հատկապես հիվանդության պատճառով ընտանիքի անդամների կորուստը, վկայում են ռիսկերի բարձրացման մասին։
