Էրդողանը խոսեց

Թուրքիայի նախագահ Թայիփ Էրդողանը հայտարարել է, որ մինչեւ 2023թ. իր երկիրը հույս ունի սկսել գազի լիակատար արդյունահանումը Սեւ ծովում։ Նա այսպիսի հայտարարությամբ հանդես է եկել չորեքշաբթի, Սաքարիա նահանգում սեւծովյան շելֆի գազի թեստային հորատանցքից գազի առաջին այրման արարողության ժամանակ, տեղեկացնում է ՏԱՍՍ-ը։

«Մենք հսկայական ջանքեր ենք գործադրում, որպեսզի հասցնենք մինչեւ 2023թ. սկսել սեւծովյան գազի հանքի առաջին փուլի մշակումը։ Մեր տեխնիկական հնարավորությունները հորատման ոլորտում թույլ են տվել մեզ ազատվել արտաքին կախվածությունից  [նման աշխատանքներ կատարելիս]։ Սեւծովյան գազը նաեւ կնվազեցնի մեր կախվածությունը վառելիքի ներմուծումից»,- ասել է նա։ Հեռարձակողը ntv հեռուստաալիքն էր։

Գազի ջահը ուղիղ եթերում վառվեց «Ֆաթիհ» հորատանավի վրա, որը որոնողական աշխատանքներ եւ փորձնական հորատում էր կատարում շելֆում։ «Այսօր մենք փորձարկում ենք գազի հոսքը «Թյուրք Ալի 1» հորատանցքում։ Եվ առաջին անգամ մակերեսին վառում ենք գազ, որն արդյունահանել ենք հարյուրավոր մետրեր խորությունից»,- ասել է Էրդողանը։ Նա պարզաբանել է, որ մասնագետները տեխնիկապես լիովին պատրաստել են հորատանցքը հանքավայրից գազի թեստային ստացման համար։

Նա հիշեցրել է, որ վերջին մեկ տարում Թուրքիան հորատել է հինգ հորատանցք Սեւ ծովում։ Արդյունահանման համակարգերին զուգահեռ՝ իշխանությունները կառուցում են նաեւ ցամաքային ենթակառուցվածք գազի տեղափոխման եւ պահելու համար։

2020թ. օգոստոսի 21-ին Էրդողանը հայտարարել էր, որ Թուրքիան Սեւ ծովում հայտնաբերել է բնական գազի հսկայական պաշարներ։ Մինչեւ 2023թ. իշխանությունները հույս ունեն սկսել դրա մատակարարումը ներքին շուկա։ Առաջիկայում, նշել է նախագահը, իշխանությունները կլուծեն տեխնիկական հարցերը, որոնք վերաբերում են գազի արդյունահանմանն այդ հանքավայրից, եւ «անհապաղ կսկսեն հորատումը»։

Անցած տարվա հոկտեմբերի կեսին Էրդողանը նաեւ հայտարարել էր, որ «գազի ապացուցված պաշարների ծավալը «Սաքարիա» հանքավայրի «Դունայ 1» տեղամասում  կազմել է 405 մլրդ խորանարդ մետր։ 

դիտվել է 22 անգամ
Լրահոս
Ղազինյանի ջանքերով և մասնակցությամբ՝ Հայաստանին խոշորածավալ օժանդակություն է ցուցաբերվել. «Փաստ» Սյունիքը չի կոտրվում փաշինյանական ճնշումներից Հիմա էլ թուրքի առաջ է կզել նիկոլը ու հանցագործ էրդողանի կոշիկներն է պատրաստվում լիզել. Աննա Մկրտչյան Խաղաղության օրակարգ չկա՝ կա հայ ազգից բույս սարքելու օրակարգ. Արմեն Աշոտյան Թուրքիան ոչ միայն շարունակում է նախապայմանների լեզվով խոսել Հայաստանի հետ, այլ ընդլայնել է դրա շրջանակը. Տիգրան Աբրահամյան Խաչիկ Ասրյան. «Ղրիմը Ռուսաստան է այնպես, ինչպես Արցախը՝ Հայաստան» ՎՏԲ-Հայաստան Բանկը մասնակցել է Հայկական գործարար համաժողով 2021-ին 38-ամյա տղամարդը զանգել է ոստիկանություն և հայհոյել Փաշինյանին. նյութեր են նախապատրաստվում ԱԺ պաշտպանության և անվտանգության հարցերի մշտական հանձնաժողովի աշխատանքն իշխանությունը դիտմամբ է տապալում. Տիգրան Աբրահամյան Մահացել է գեղանկարիչ Վեսմիր Գրիգորյանը Champions Showdown․ Լեւոն Արոնյանը գրավեց 7-րդ տեղը Գեւորգ Ալեքսանյան․ Արթուր Ալեքսանյանն ու Կարապետ Չալյանը բաց կթողնեն ԱԱ-ն, որպեսզի լիարժեք ապաքինված մոտենան Փարիզ-2024-ի շրջափուլին Այն տարածված լուրերը, թե իբր Հայկոյի վիճակը ծայրահեղ ծանր է, մի փոքր ուռճացված են Հիմնվել է նորագույն տեխնոլոգիաներով հագեցված 4 նոր թռչնանոց Ողբերգական վթար՝ Սյունիքի մարզում. վարորդը տեղում մահացել է Ինտելեկտուալ խաղերի միջազգային փառատոնում հայաստանյան թիմերը արժանացան արծաթե և բրոնզե մեդալների Սամվել Կարապետյանն այցելել է Եռաբլուր (լուսանկարներ) Ադրբեջանցիները պահանջել են իջեցնել Ամարասի վրայի Արցախի դրոշը. «Հրապարակ» Ի՞նչ էր խնդրելու կամ ասելու Փաշինյանը Էրդողանին. Ղազինյան
Ամենաընթերցվածները